ශ්‍රී ලංකා සුරැකුම්පත් සහ විනිමය කොමිෂන් සභාවේ සභාපති

ශ්‍රී ලංකා සුරැකුම්පත් සහ විනිමය කොමිෂන් සභාවේ සභාපති

ජනාධිපති නීතිඥ විරාජ් දයාරත්න මහතා
සමාලෝචනය

සභාපතිතුමාගේ සමාලෝචනය

2021 වසර ශ්‍රී ලංකාවේ ප්‍රාග්ධන වෙළෙඳපොළ තුළ දක්ණට ලැබුණු හොඳම වසරවලින් එකක් ලෙස සැළකිය හැකිය. කොළඹ කොටස් වෙළෙඳපොළ (CSE) දර්ශකවල සහ වෙළෙඳපොළ කාර්යසාධනය යන දෙඅංශයෙන්ම අවධානය යොමු කිරීමේදී පෙර නොවූ විරූ ඉහළ අගයක් වාර්තා කළේය. අභියෝග මධ්‍යයේ වුවද, සුරැකුම්පත් වෙළෙඳපොළ ශක්තිමත් වර්ධන වේගයක් පෙන්නුම් කරමින්, සියලු කොටස් මිල දර්ශකය 80.5%ක් ලෙස සටහන් වූ අතර 2010 වසරෙන් පසු වාර්තා වූ ඉහළම පිරිවැටුම ද එය වේ.

එමෙන්ම S&P SL20 දර්ශකය 60.5%කින් ඉහළ ගොස් ඇති අතර එය කොළඹ කොටස් වෙළෙඳපොළ ඉතිහාසයේ මෙතෙක් වාර්තා වූ ඉහළම අගය ද වේ. වෙළෙඳපොළ ප්‍රාග්ධනීකරණය ද රු. ට්‍රිලියන 5.5 ක් වූ අතර එය දළ දේශීය නිෂ්පාදිතයේ ප්‍රතිශතයක් ලෙස ගත් විට 36.7% කි.

එමෙන්ම S&P SL20 දර්ශකය 60.5%කින් ඉහළ ගොස් ඇති අතර එය කොළඹ කොටස් වෙළෙඳපොළ ඉතිහාසයේ මෙතෙක් වාර්තා වූ ඉහළම අගය ද වේ. වෙළෙඳපොළ ප්‍රාග්ධනීකරණය ද රු. ට්‍රිලියන 5.5 ක් වූ අතර එය දළ දේශීය නිෂ්පාදිතයේ ප්‍රතිශතයක් ලෙස ගත් විට 36.7% කි.

හැරවුමට වඩා ඉදිරියෙන් සිටීම

පසුගිය දශක දෙක තුළ, සුරැකුම්පත් වෙළෙඳපොළ, එහි ව්‍යුහය, වෙළෙඳපොළ සහභාගිවන්නන් සහ නියාමනය කටයුතු වේගවත් වෙනස්කම්වලට මුහුණ දී ඇත. 1991, 2003 සහ 2009 පනත් සංශෝධන මගින් සුරැකුම්පත් සහ විනිමය කොමිෂන් සභා පනතෙහි පැවති හිඩැස් පුරවා යල් පැන ගිය ප්‍රතිපාදන යථා තත්ත්වයට පත් කිරීම හා පවතින සුරැකුම්පත් නීතිවලට පුළුල් ප්‍රතිසංස්කරණ අවශ්‍ය බව මෙම වර්ධනයන් තුළින් සංඥා කළේය.

දිගු කලක් බලා සිටි සුරැකුම්පත් සහ විනිමය කොමිෂන් සභා පනත (2021 අංක 19 දරන පනත) 2021 සැප්තැම්බර් මාසයේදී පාර්ලිමේන්තුවේදී සම්මත කිරීමත් සමඟ 1987 අංක 36 දරන සුරැකුම්පත් සහ විනිමය කොමිෂන් සභා පනත අවලංගු විය. හොඳින් සිතා බලා හඳුන්වා දෙන ලද මෙම නව නීති මගින් සුරැකුම්පත් සහ විනිමය කොමිෂන් සභාවට ලැබෙන ආදායම් පුළුල් කිරීම, ප්‍රාග්ධන වෙළෙඳපොළ නවීකරණය කිරීම සහ ආර්ථික වර්ධනයට සහ නවෝත්පාදනයන්ට සහාය වීම සඳහා වැදගත් කාර්යභාරයක් ඉටු කරනු ඇතැයි අපේක්ෂා කරයි.

සුරැකුම්පත් සහ විනිමය කොමිෂන් සභාව දැනට පවතින නීති රීති, රෙගුලාසි සහ ප්‍රමිති සමාලෝචනය කරමින් නව නීතිවල ඇති විධිවිධානවලට අනුකූලව එය ඵලදායී ලෙස බලාත්මක කිරීමට හැකි වන පරිදි ප්‍රායෝගික ක්‍රියාමාර්ග හඳුන්වාදීමට කටයුතු කරමින් සිටී.

ඩිජිටල් තාක්ෂණය පුළුල් ලෙස යොදා ගැනීම

වසංගතය සහ එහි ප්‍රතිඵලයක් ලෙස අගුලු දැමීම් හේතුවෙන් ප්‍රාග්ධන වෙළෙඳපොළ ඇතුළු ආර්ථිකයේ සියලුම අංශවල ඩිජිටල් භාවිතය වේගවත් විය. ගෝලීය ආචාරධර්ම වලට අනුකූලව ඩිජිටල්කරණ ක්‍රියාවලියේ දෙවන අදියර දියත් කිරීමට සුරැකුම්පත් සහ විනිමය කොමිෂන් සභාව කොළඹ කොටස් හුවමාරුව සහ කර්මාන්තය සමඟ කටයුතු කළේය. මෙමගින් දේශීය සමාගම් සඳහා අන්තර්ජාල ගිණුම් විවෘත කිරීම් සඳහා වැඩි නම්‍යශීලී බවක් ලබාදුන් අතර, මධ්‍යම තැන්පතු ක්‍රමයෙහි (CDS) විද්‍යුත් සබැඳි (E-connect), විදයුත් මූලික කොටස් නිකුතු (E-Initial Public Offerings), ආයතනික ක්‍රියාකාරකම් ඩිජිටල්කරණය මෙන්ම ස්මාර්ට් ෆෝන් සහ අනෙකුත් උපාංග හරහා පහසුකම් පුළුල් කරන ලදී.

සත්‍ය වශයෙන්ම, සමාලෝචිත වර්ෂය තුළ, වාර්තාගත ගිණුම් විවෘත කිරීම් සංඛ්‍යාවක් සමඟින් සුළු පරිමාණ ආයෝජකයින්ගේ සහභාගීත්වය ඉහළ ගොස් තිබේ. සක්‍රීය ආයෝජක පදනම 63,000 දක්වා ඉහළ ගිය අතර නව ගිණුම් විවෘත කර ඇති සංඛ්‍යාව 37,000ක් විය.

ප්‍රාග්ධන වෙළෙඳපොළ හරහා ආයෝජක අධ්‍යාපනය සහ අරමුදල් රැස් කිරීම

අපගේ ආයෝජකයින් ඩිජිටල් පාදක ආයෝජක අධ්‍යාපන ක්‍රියාකාරකම් වෙත යොමු වී ඇත. ශ්‍රී ලංකාව පුරා කොටස් වෙළෙඳපොළ ආයෝජනය ප්‍රචලිත කිරීම සඳහා අපි කොළඹ කොටස් හුවමාරුව සමඟ හවුල් වී ප්‍රධාන වශයෙන් සමාජ මාධ්‍ය වේදිකා, බලපෑම් අලෙවිකරණය, බ්ලොග් සටහන් සහ කොළඹ කොටස් වෙළෙඳපොළ ජංගම යෙදුම් (CSE මොබයිල් ඇප්) ප්‍රචාරණ ඇතුළු ඩිජිටල් අලෙවිකරණ නාලිකා හරහා අධ්‍යාපන වැඩසටහනක් ආරම්භ කළෙමු. සමස්ත වෙළෙඳපොළ ක්‍රියාකාරකම් වේගවත් වීමත් සමඟ දිනකට මුළු වෙළ‍ෙඳාම් සැළකිය යුතු ලෙස වැඩි විය. 2021 දී වෙළෙඳපොළ දෛනික ගණුදෙනු 32,000 කට වඩා අසාමාන්‍ය වර්ධනයක් වාර්තා කළේය.

සුරැකුම්පත් සහ විනිමය කොමිෂන් සභාව විසින් කරන ලද නියෝජනවල ප්‍රතිඵලයක් ලෙස, වසර තුළ ලැයිස්තුගත කිරීමට අපේක්ෂා කරන සමාගම් සඳහා 2021 අයවැයෙන් යෝජනා කරන ලද බදු සහන තුළින් 2021 දී ලැයිස්තුගත කිරීමට සමාගම් කිහිපයක් පොළඹවන ලදී. මේ අනුව නව ලැයිස්තුගත කිරීම් 28 ක් සමඟින් පෙර නොවූ විරූ ලෙස කොළඹ කොටස් හුවමාරුව තුළින් සමාගම් ප්‍රාග්ධනය සම්පාදනය කර ගැනීමක් දැක ගත හැකි වූ අතර 2021 වර්ෂයේදී සමාගම් විසින් රැස්කර ගත් වාර්තාගත ප්‍රාග්ධනය රු. බිලියන 124 කි. මේ අතර, පවුලේ ව්‍යාපාරවල නියැලීමට සහ විශේෂයෙන් පවුලේ පාලනය රඳවා තබා ගනිමින් ලැයිස්තුගත කිරීම සම්බන්ධව ඇති වැරදි වැටහීම් නිරාකරණය කිරීම සඳහා “ Founder to family - Leveraging Going Public” නමින් කොටස් නිකුත් කිරීමට හැකියාව ඇති ව්‍යාපාරිකයන් සඳහා වැඩමුළුවක් පවත්වන ලදී. මෙම වැඩමුළුව මගින් ප්‍රාග්ධන වෙළෙඳපොළට ප්‍රවේශ වන්නේ කෙසේද යන්න පිළිබඳව වඩා හොඳ අවබෝධයක් මෙන්ම කොළඹ කොටස් හුවමාරුවෙහි ඇති විවිධ අරමුදල් සම්පාදන විකල්ප පිළිබඳව සමාගම්වලට මනා අවබෝධයක් ලබා දුන්නේය.

සාංගමික වගවීමේ භූ දර්ශනයෙහි හැඩගැසීම

දේශීය හා විදේශීය ආයෝජන ඉහළ නැංවීම සඳහා අපගේ ප්‍රාග්ධන වෙළෙඳපොළ කෙරෙහි වැඩි විශ්වාසයක් ඇති කිරීම ඉතා වැදගත් වේ. මේ සම්බන්ධයෙන් ගත්විට, ශ්‍රී ලංකාවේ සාංගමික පාලන රාමුව සමාලෝචනය කිරීම සඳහා ශාස්ත්‍රඥයින්, නීති ප්‍රජාව සහ ලැයිස්තුගත සමාගම් අතර පුළුල් සංවාදයක් පැවැත්වීමට සුරැකුම්පත් සහ විනිමය කොමිෂන් සභාව දරන උත්සාහය මීට දශකයකට පමණ පෙර සිදු කර ඇති පූර්ව ප්‍රතිසංස්කරණවලට වඩා කාලෝචිත විය නොහැක. සමාලෝචිත වර්ෂයේදී, කොළඹ කොටස් හුවමාරුවෙහි ලැයිස්තුගත කර ඇති සමාගම්වලට අදාළ වන සාංගමික පාලන රීති සංශෝධනය කිරීම සම්බන්ධයෙන් පාර්ශ්වකරුවන්ගෙන් අදහස් සහ යෝජනා ලබා ගැනීම සඳහා මහජන උපදේශනයක් පවත්වන ලදී. ඉන් අනතුරුව, මහජනතාව විසින් ඉදිරිපත් කරන ලද කරුණු සැළකිල්ලට ගෙන සියලුම පාර්ශ්වකරුවන්ගේ නියෝජිතයන්ගෙන් සමන්විත විද්වත් කමිටුවක් නව සාංගමික පාලන නීති සකස් කිරීම සම්බන්ධයෙන් පත් කරන ලදී. කොමිෂන් සභාව විසින් දැනට සකස් කරමින් පවතින ලයිස්තුගත කිරීමේ රීතිවලට ඇතුළත් කිරීම සඳහා කොළඹ කොටස් හුවමාරුව වෙත යොමු කරන ලද කෙටුම්පත් කළ නීතිවල යම් යම් වෙනස්කම් සිදු කරන ලදී. එවැනි නීතිරීති සකස් කර අවසන් කිරීමේ ප්‍රතිඵලයක් වශයෙන්, ලයිස්තුගත සමාගම්වල අධ්‍යක්ෂ මණ්ඩලවල කාන්තා නියෝජනය සම්බන්ධයෙන් ශ්‍රී ලංකා කාන්තා සාංගමික අධ්‍යක්ෂවරියන් විසින් නියෝජනයන් ඉදිරිපත් කරන ලදී. මේ සම්බන්ධයෙන් කර්මාන්තයේ අදහස් ලබා ගැනීම සඳහා, සියලුම පාර්ශවකරුවන් නියෝජනය කරන කීර්තිමත් පුද්ගලයින්ගේ රැස්වීමක් මා විසින් කැඳවන ලද අතර, ලැයිස්තුගත සමාගම්වල අධ්‍යක්ෂ මණ්ඩලවල කාන්තා නියෝජනය වැඩි කිරීමට දිරිගැන්වීමට සහ සුදුසු ප්‍රතිපාදන ඇතුළත් කිරීමට සලකා බලන ලෙස කොළඹ කොටස් හුවමාරුවෙන් පසුව ඉල්ලා සිටියේය.

මූල්‍ය ඇතුළත් කිරීම් දිරිගැන්වීමේ ජාතික උපාය මාර්ගය

ශ්‍රී ලංකාව පුරා මූල්‍ය ඇතුළත් කිරීම් වැඩිදියුණු කිරීම සඳහා වඩාත් ඵලදායී හා කාර්යක්ෂම ක්‍රියාවලියක් ප්‍රවර්ධනය කිරීම සඳහා ජාත්‍යන්තර මූල්‍ය සහයෝගීතාවය (IFC) ශ්‍රී ලංකා මහ බැංකුව (CBSL) සමඟ එක්ව රටේ පළමු ජාතික මූල්‍ය ඇතුළත් කිරීම් උපාය මාර්ගය (NFIS) ඇති කරන ලදී. සුරැකුම්පත් සහ විනිමය කොමිෂන් සභාව ඇතුළු විවිධ ආයතන විසින් ගනු ලබන විවිධ මූල්‍ය ඇතුළත් කිරීමේ ප්‍රයත්නයන් තනි වේදිකාවකට පෙළගස්වීමට ජාතික මූල්‍ය ඇතුළත් කිරීම් උපාය මාර්ගය අපේක්ෂා කෙරේ. සුරැකුම්පත් සහ විනිමය කොමිෂන් සභාව මෙම ජාතික ප්‍රතිපත්තිය ක්‍රියාත්මක කිරීමේදී ක්‍රියාකාරී භූමිකාවක් ඉටු කරන අතර ජීවන තත්ත්වය වැඩිදියුණු කිරීම සහ ආර්ථික වර්ධනයට දායක වීමේ අරමුණින් ජාතික මූල්‍ය ඇතුළත් කිරීම් උපාය මාර්ගයෙහි කාලානුරූපී ක්‍රියාකාරී සැලැස්මේ කොටසක් ලෙස හොඳින් ව්‍යුහගත මූල්‍ය සාක්ෂරතා වැඩසටහන් අඛණ්ඩව පවත්වනු ලබයි. ජාතික මූල්‍ය ඇතුළත් කිරීම් උපාය මාර්ගය දියත් කිරීමත් සමඟ ශ්‍රී ලංකාව ලොව පුරා සමාන උපාය මාර්ග දියත් කර ඇති රටවල් 60කට අධික සංඛ්‍යාවකට සම්බන්ධ වේ.

ශ්‍රී ලංකාවේ ප්‍රාග්ධන වෙළෙඳපොළ සම්බන්ධව එක්සත් අරාබි එමීර් රාජ්‍යයේ පැවති වැඩමුළුව

Covid වසංගතය විසින් හඳුන්වාදී ඇති සංචාරක සීමාවන් හේතුවෙන්, සුරැකුම්පත් සහ විනිමය කොමිෂන් සභාව විදේශ කටයුතු අමාත්‍යාංශය සමඟ එක්ව ශ්‍රී ලංකාවේ ප්‍රාග්ධන වෙළෙඳපොළේ ආයෝජනය කරන්නේ කෙසේද යන්න පිළිබඳව විදේශගත ශ්‍රී ලංකා දූත මණ්ඩලවල කාර්ය මණ්ඩලය දැනුවත් කිරීම සඳහා ඔන්ලයින් රැස්වීමක් පැවැත්වීය. මෙමගින් විවිධ රටවල්වලට අයත් විදෙස්ගත ආයෝජක ප්‍රජාවට ශ්‍රී ලංකාවේ ආයෝජන සම්බන්ධයෙන් පවතින අවස්ථා පිළිබඳව දැනුවත් කිරීමට හැකියාව ලැබුණි. එක්සත් ජනපදය, එක්සත් රාජධානිය, සිංගප්පූරුව, ස්වීඩනය, අබුඩාබි සහ එක්සත් අරාබි එමීර් රාජ්‍යය යන රටවල තානාපති කාර්යාල/මහ කොමසාරිස් කාර්යාලවල කාර්ය මණ්ඩලය සඳහා මෙම ඔන්ලයින් සම්මන්ත්‍රණය පවත්වන ලදී. සංචාරක සීමාවන් ලිහිල් කිරීමත් සමඟ ශ්‍රී ලංකා සුරැකුම්පත් සහ විනිමය කොමිෂන් සභාව, කොළඹ කොටස් හුවමාරුව, එක්සත් අරාබි එමීර් රාජ්‍යයෙහි ශ්‍රී ලංකා තානාපති කාර්යාලය සමඟ එක්ව විදේශීය (ඩයස්පෝරා) ආයෝජන ආකර්ෂණය කර ගැනීම සඳහා ඩුබායි හි "Invest Sri Lanka" සම්මන්ත්‍රණයක් සංවිධානය කරන ලදී. ඩුබායි හි වෙසෙන ප්‍රමුඛ පෙළේ ශ්‍රී ලාංකිකයන් බහුවිධ කර්මාන්ත හරහා දක්නට ලැබුණු ප්‍රබල සහභාගීත්වය ශක්තිමත් සාංගමික ඉපැයීම් සහ ආකර්ෂණීය තක්සේරු කිරීම් පිළිබිඹු කරයි.

ගෙවීම්වලට එදිරිව බේරුම් කිරීමේ යාන්ත්‍රණය (DVP)

වසර තුනකට වැඩි කාලයක් ප්‍රමාදවෙමින් තිබූ ගෙවීම්වලට එදිරිව බේරුම් කිරීමේ යාන්ත්‍රණය 2021 අගෝස්තු මාසයේදී හඳුන්වා දෙන ලදී. මෙය සුරැකුම්පත් සහ විනිමය කොමිෂන් සභාව, කොළඹ කොටස් හුවමාරුව සහ කොටස් තැරැව්කාර ප්‍රජාවගේ සහයෝගීතාවයේ උත්සාහයකි.

මෙම වැදගත් වෙළෙඳපොළ යටිතල පහසුකම් ව්‍යුහය නවීකරණය කිරීම සහ බේරුම්කරණ අවදානම අවම කිරීම අපේක්ෂා කරන අතරම හුවමාරුව තුළ ගණුදෙනු වන නව වෙළෙඳපොළ උපකරණ සක්‍රීය කර එමඟින් ගෝලීය කොටස් හුවමාරු ආචාරධර්ම සමඟ අපව සම තත්ත්වයට පත් කරයි.

ප්‍රාග්ධන වෙළඳපොළ සංවර්ධනය සඳහා කටයුතු කිරීම

රත්රන් සෑම විටම ආරක්ෂිතම ආයෝජන වත්කම් පන්තියක් ලෙස සැලකේ. පාර්ශ්වකරුවන්ගේ යෝජනා රාශියක් සලකා බැලීමෙන් පසු, සුරැකුම්පත් සහ විනිමය කොමිෂන් සභාව, කොළඹ කොටස් හුවමාරුවෙහි වෙළෙඳපොළින් බැහැර ගණුදෙනු (Over The Counter -OTC) වේදිකාව හරහා කඩදාසි රත්රන් (Paper Gold-PG) වෙළඳාම් කිරීම පහසු කිරීම සඳහා ප්‍රතිපත්තිමය අනුමැතිය ලබා දෙමින් කඩදාසි රත්රන් (PG) වෙළෙඳාම් කිරීමට පහසුකම් සලසා ඇත. දැනට, වෙළෙඳපොළින් බැහැර ගණුදෙනු වේදිකාව හරහා කඩදාසි රත්රන් වෙළෙඳාම් කිරීම හඳුන්වාදීමේ රාමුව කොළඹ කොටස් වෙළෙඳපොළ විසින් අවසන් කරමින් පවතින අතර එමඟින් වෙළෙඳපොළ සඳහා නව ආයෝජන වත්කම් පන්තියක් සැපයීමට සහ රජයට නව බදු ආදායම් මාර්ගයක් උත්පාදනය කිරීමට අපේක්ෂා කරයි.

ඉස්ලාමීය නිෂ්පාදන සඳහා මූලික අනුමැතිය සුරැකුම්පත් විනිමය කොමිෂන් සභාව ලබා දී ඇති අතර, එය හඳුන්වාදීම සඳහා වන ප්‍රතිපත්තිමය රාමුව, ශ්‍රී ලංකා සුරැකුම්පත් සහ විනිමය කොමිෂන් සභාව හරහා ආසියානු සංවර්ධන බැංකුව සපයන තාක්ෂණික සහයෝගය සමඟ කොළඹ කොටස් හුවමාරුව විසින් මේ වන විට අවසන් කරමින් පවතී. ඒ හා සමානව, විනිමය හුවමාරු ව්‍යුත්පන්න වෙළෙඳපොළේ සංවර්ධනය සඳහා කළ හැකි පළමු පියවරක් ලෙස ව්‍යුහගත බලපත්‍ර හඳුන්වාදීම සඳහා වන ප්‍රතිපත්ති සහ නියාමන රාමුව සකස් කිරීමේ ක්‍රියාවලියෙහි ද සුරැකුම්පත් සහ විනිමය කොමිෂන් සභාව නිරතව සිටී. ඒ සඳහා ආසියානු සංවර්ධන බැංකුවේ සහය ලබාගෙන ඇත. විශේෂ කාර්ය අත්පත් කර ගැනීමේ සමාගම් (SPACs) සඳහා ප්‍රතිපත්තිමය වශයෙන් සුරැකුම්පත් සහ විනිමය කොමිෂන් සභාව විසින් අනුමැතිය ද ලබා දී ඇති අතර, අවශ්‍ය ප්‍රතිපත්ති සහ නියාමන රාමුව අවසන් කරන ලෙස කොළඹ කොටස් හුවමාරුව වෙතින් ඉල්ලා ඇත. සාමුහික හිමිකම් අරමුදල් (Equity Crowd Funding) සඳහා කොමිෂන් සභාව විසින් ප්‍රතිපත්තිමය අනුමැතිය ලබා දී ඇත. කොළඹ කොටස් හුවමාරුව විසින් සකස් කර ඇති රාමුව මේ වන විට පාර්ශ්වකරුවන්ගේ උපදේශනය සඳහා ඉදිරිපත් කිරීමට සූදානම් කර ඇත. කොළඹ කොටස් හුවමාරුවෙහි විදේශ මුදල් වලින් යුත් සුරැකුම්පත් ලැයිස්තුගත කිරීම, වෙළෙඳාම් කිරීම සහ පියවීම සඳහා පහසුකම් සැලසීම සඳහා කොළඹ කොටස් හුවාමාරුව වෙත අනුමැතිය ද ලබා දී ඇති අතර, එය ක්‍රියාත්මක කිරීමට දැනට පියවර ගනිමින් පවතී. හරිත බැඳුම්කර හඳුන්වාදීමට පියවර ගැනීම සුරැකුම්පත් සහ විනිමය කොමිෂන් සභාව විසින් අනුමත කරන ලද තවත් කාර්යයකි.

තවද, කොළඹ කොටස් හුවමාරුවෙහි OTC ගනුදෙනු වේදිකාව හරහා සාංගමික ණය සුරැකුම්පත් සඳහා REPO ගනුදෙනු යාන්ත්‍රණයක් ක්‍රියාත්මක කිරීමට අනුමැතිය ලබා දී ඇත. හිඟ විකුණුම්, කොටස් ණයට ගැනීම සහ ණයට දීම සම්බන්ධ ප්‍රතිපත්තිය ද කොමිෂන් සභාව විසින් අනුමත කර ඇති අතර කොළඹ කොටස් හුවමාරුව ඒ හා සම්බන්ධ මහජන අදහස් විමසීමේ ක්‍රියාවලියකට යාමට අපේක්ෂා කරයි.

ව්‍යුත්පන්න වැනි ආයෝජන උපකරණ හඳුන්වා දීමට නම් මධ්‍යම ප්‍රතිපාර්ශව යාන්ත්‍රණයක් (CCP) තිබීම අත්‍යවශ්‍ය වේ. මධ්‍යම ප්‍රතිපාර්ශව යාන්ත්‍රණයක් ක්‍රියාත්මක කිරීමේ ක්‍රියාවලියට ප්‍රමුඛත්වය දිය යුතු බව සුරැකුම්පත් සහ විනිමය කොමිෂන් සභාව අවබෝධ කර ගෙන ඇත. ඒ අනුව 2022 වසර අවසන් වීමට පෙර කොටස් වෙළෙඳපොළ සඳහා මධ්‍යම ප්‍රතිපාර්ශව යාන්ත්‍රණයක් ඇති කර ගැනීමේ අරමුණින් සුරැකුම්පත් සහ විනිමය කොමිෂන් සභාව සහ කොළඹ කොටස් වෙළෙඳපොළ ඒකාබද්ධ කමිටුවක් පත් කිරීමට පියවර ගන්නා ලදී

මෙම කාලසීමාව තුළ ලේකම් කාර්යාලයේ කාර්යක්‍ෂමතාව විධිමත් කිරීම සහ වැඩිදියුණු කිරීම සඳහා ක්‍රියාමාර්ග කිහිපයක් ද ගන්නා ලදී. ආවේක්ෂණ අංශය සඳහා අවශ්‍ය විශ්ලේෂණ මෙවලම් ලබා ගැනීම ද මෙයට ඇතුළත් විය

ඉදිරි දැක්ම

සමාලෝචිත වර්ෂය සුරැකුම්පත් සහ විනිමය කොමිෂන් සභාව සඳහා හැරවුම් ලක්ෂයක් විය. නව සුරැකුම්පත් සහ විනිමය කොමිෂන් සභා පනත අපගේ සියලුම පාර්ශවකරුවන් සඳහා නියාමන අවශ්‍යතාවලට අනුව පුළුල් කාර්යභාරයක් ඉටු කරනු ඇත. අපගේ පුළුල් වූ බලතල යොදා ගනිමින් සහ ස්ථිර කැපවීමක් තුළින් සාධාරණ, කාර්යක්ෂම සහ පාරදෘෂ්‍ය ප්‍රාග්ධන වෙළෙඳපොළක් සඳහා පහසුකම් සැලසීමට සහ ප්‍රවර්ධනය කිරීමට අප බලාපොරොත්තු වෙමු.

අද සහ ඉදිරි වසරවලදී අප මුහුණ දෙන අභියෝගවලට ප්‍රතිචාර දැක්වීමට සුරැකුම්පත් සහ විනිමය කොමිෂන් සභාව හොඳ සූදානමක පසු වන බව මම විශ්වාස කරමි. අතිගරු ජනාධිපතිතුමාට, ගරු අගමැතිතුමාට, ගරු මුදල් අමාත්‍යතුමාට, භාණ්ඩාගාරයේ ලේකම්තුමාට සහ මුදල් අමාත්‍යංශයේ අනෙකුත් නිළධාරීන්ටත් ඔවුන් ලබාදුන් සහයෝගය වෙනුවෙන් මම ස්තුතිවන්ත වෙමි. කොමිෂන් සභාවේ සාමාජිකයින්ගේ අමිල දායකත්වය වෙනුවෙන් ද මාගේ කෘතඥතාව පළ කිරීමට කැමැත්තෙමි.

අධ්‍යක්‍ෂ ජනරාල් චින්තක මෙන්ඩිස් මහතා කැපවීමෙන් කළ සේවයටත්, පසුගිය වසර තුළ වෙහෙස මහන්සි වී වැඩ කළ අධ්‍යක්‍ෂවරුන් ඇතුළු කාර්ය මණ්ඩල සාමාජිකයන්ටත් අයටත් මගේ ස්තුතිය පුද කරනවා. අපගේ පාර්ශවකරුවන්ගේ සහයෝගීතාවය නොවන්නට අපගේ කාර්යය පහසු නොවනු ඇති අතර ඔවුන්ටද මාගේ කෘතඥතාවය පුද කිරීමට දකැමැත්තෙමි.


සභාපතිතුමාගේ කාර්යාලය

ලේකම්

Phone : 0112 143810