සුරැකුම්පත් සහ විනිමය කොමිෂන් සභාව යනු කුමක්ද?
ශ්රී ලංකා සුරැකුම්පත් සහ විනිමය කොමිෂන් සභාව පිහිටුවීම සහ ව්යවස්ථාව මුලින්ම හඳුන්වාදෙනු ලැබුවේ 1987 අංක 36 දරන සුරැකුම්පත් සහ විනිමය කොමිෂන් සභා පනත මගින් වන අතර එය අවලංගු කර 2021 අංක 19 දරන ශ්රී ලංකා සුරැකුම්පත් සහ විනිමය කොමිෂන් සභා පනත මගින් ප්රතිස්ථාපනය කර ඇත. සුරැකුම්පත් සහ විනිමය කොමිෂන් සභාව මුදල් අමාත්යාංශයේ විෂය පථයට අයත් වේ
සුරැකුම්පත් සහ විනිමය කොමිෂන් සභාවේ කාර්යභාරය කුමක්ද?
ප්රාග්ධන වෙළෙඳපොළ ආර්ථිකයක තීරණාත්මක කොටසකි, මන්ද එය ඵලදායී නිෂ්පාදන සඳහා අරමුදල් සොයන්නන්ට අවශ්ය අරමුදල් රැස්කර ගැනීමට උපකාරී වන බැවිනි. ප්රාග්ධන වෙළෙඳපොළක් තුළින් ව්යාපාරික ප්රජාව විසින් දිගුකාලීන අරමුදල් රැස් කරන අතර මහජනතාවට තම ඉතුරුම් ඉහළ ප්රතිලාභ සඳහා ආයෝජනය කිරීමට අවස්ථාව ලැබේ.
සාධාරණ, කාර්යක්ෂම, ක්රමවත් සහ විනිවිදභාවයෙන් යුත් ප්රාග්ධන වෙළෙඳපොළක් සහතික කිරීම සඳහා ප්රාග්ධන වෙළෙඳපොළ නියාමනය කිරීම සුරැකුම්පත් සහ විනිමය කොමිෂන් සභාවට පැවරී ඇත. මෙම අරමුණු සාක්ෂාත් කර ගැනීම සඳහා සුරැකුම්පත් සහ විනිමය කොමිෂන් සභාව ගුණාත්මක හෙළිදරව් කිරීම් තහවුරු කරන, සාංගමික පාලනය වැඩිදියුණු කරන, වෙෙළඳපොළ අක්රමිකතා වළක්වන සහ වෙළෙඳපොළ සහභාගිවන්නන් සඳහා ආචාරධර්ම ප්රමිතීන් ප්රවර්ධනය කරන නියාමන රාමුවක් පවත්වාගෙන යයි.
සුරැකුම්පත් සහ විනිමය කොමිෂන් සභාවේ ප්රධාන කාර්යයන් මොනවාද?
- නියාමනයට ලක්වන ප්රාග්ධන වෙළෙඳපොළ ක්රියාකාරකම්වල නිරත වීමට බලපත්ර හෝ ලියාපදිංචි කිරීම් ප්රදානය කිරීම.
- බලපත්රලාභී හෝ ලියාපදිංචි ආයතනවලට සාමාන්ය හෝ නිශ්චිත උපදෙස් ලබාදීම
- කොළඹ කොටස් වෙළෙඳපොළේ සුරැකුම්පත් ලැයිස්තුගත කිරීම සහ නිකුත් කිරීම නියාමනය කිරීම.
- සුරැකුම්පත් සහ විනිමය කොමිෂන් සභා පනත, රීති සහ රෙගුලාසිවල විධිවිධාන උල්ලංඝනය කිරීමක් හෝ කඩ කිරීම් ගැන විමර්ශනය කිරීම.
- තොරතුරුවල නොගැළපීම් අඩු කිරීම සඳහා ලැයිස්තුගත සමාගම් මහජනතාවට බෙදා හැරීමට අවශ්ය වන වෙළෙඳපොළ හෙළිදරව් කිරීම් සහ අනෙකුත් තොරතුරු සමාලෝචනය කිරීම.
- මූල්ය ශක්යතාව සහ ව්යාපාරික මෙහෙයුම් පිළිබඳ එතැන් පරීක්ෂා සහ විතැන් පරීක්ෂාවන් සහතික කිරීම සඳහා නියාමනයට ලක් කරන ලද ආයතන අධීක්ෂණය කිරීම
- ලයිස්තුගත පොදු සමාගම් වෙත සාමාන්ය හෝ නිශ්චිත විධාන නිකුත් කිරීම
- පවරා ගැනීම් හෝ ඒකාබද්ධ කිරීම් නියාමනය කිරීම